НАСБИ ҲИСОБКУНАКҲОИ ЭЛЕКТРОНӢ ДАР ПОЙТАХТ

              Душанбе, 28 апрел. (АМИТ «Ховар», Мавзуна Бойева). — Дар доираи «Татбиқи лоиҳаи кам кардани талафоти нерӯи барқ» то имрӯз 35 ҳазор ҳисобкунакҳои электронӣ дар хонаҳои истиқоматӣ ва корхонаву идораҳои шаҳри Душанбе насб карда шуданд. То моҳи декабри соли ҷорӣ 190 ҳазор ҳисобкунакҳои электронӣ бояд дар пойтахт насб карда шавад.               Тавре ба мухбири АМИТ «Ховар» сардори дафтари матбуоти ШСХК «Барқи тоҷик» Нозир Ёдгорӣ иттилоъ дод, лоиҳаи мазкур бо дастгирии Бонки Ҷаҳонии Рушд ва кафолати давлати Швейтсария татбиқ гардид. Ҳисобкунакҳои нави электронӣ имкон медиҳанд ки талафоти нерӯи барқ кам карда, ҳисобу китоби он ба меъёри муайян дароварда шавад.               Бояд қайд кард, ки ҳисобкунакҳои, кӯҳна таъмир гардида ба ноҳияҳои дигари ҷумҳури фиристода мешаванд.