НИҲОЛШИНОНӢ ИДОМА ДОРАД

               Бадахшон, 10 апрел. (АМИТ «Ховар», Лутфишо Додо). — Ба хотири пурра ба гардиши кишоварзӣ даровардани заминҳои корам, омода намудани иншоотҳои гидромелиоративӣ, зебо гардондани шаҳру деҳот, барқарор намудани боғу ҷангалзор, афзун намудани наботот, ниҳолшинонӣ, кабудизоркунӣ, дар асоси Қарори раиси вилоят аз 1 -уми марти соли 2009 дар қаламрави вилоят маъракаи ободонӣ ва кабудизоркунӣ оғоз гардид. Имрӯз маъракаи ниҳолшинонӣ дар вилоят дар авҷ аст. Танҳо дар қарияҳои Шипад, Вознавд, Деҳрушону Баҳрӯшон қад-қади ҷӯйборҳову лаби рӯдхонаҳо таи ду ҳафтаи охир беш аз 4 ҳазор бех дарахти сояафкан шинонда шуд. Ниҳолшинонӣ дар саросари вилоят идома дорад.