ПРЕЗИДЕНТИ НАВИ МАКЕДОНИЯ

              Скопе, 6 апрел. (АМИТ «Ховар» — РИА «Новости»). — 5 апрел дар Македония интихоботи президент баргузор гардид. Аз рӯи хабарҳои расида, дар интихобот номзади ҳизби ҳокими демократии ваҳдати миллӣ Георгий Иванов ғалаба кард. Аз се ду ҳиссаи интихобкунандагон ба тарафдории ӯ овоз доданд.              Рақиби Г.Иванов — намояндаи Иттиҳоди сотсиал — демократҳои Македония Любомир Фрачковский ба мағлубияташ дар интихобот иқрор шуд. Хабар дода мешавад, ки то ҳол тақрибан 20 фоизи варақаҳои овоздиҳӣ ҳисоб карда нашудаанд. Вале ин ба натиҷаҳои интихобот таъсири ҷиддӣ намерасонад.