ШАБИ ЭҶОДИИ Ш. САЙФИДДИНОВ

                 Душанбе, 15 апрел. (АМИТ «Ховар», Таҳмина Ғоибназарова).- Имрӯз дар Консерваторияи миллии Тоҷикистон бахшида ба 80-солагии оҳангсози машҳури тоҷик Шарофиддин Сайфиддинов шаби эҷодӣ баргузор мегардад. Ҳунарпешагони Театри опера ва балети ба номи С. Айнӣ, оркестри асбобҳои халқии Филармонияи ҶТ, донишҷӯёни мактабҳо ва коллеҷҳои мусиқӣ Ш. Сайфиддиновро табрик намуда, асарҳои эҷоднамудаи ӯро иҷро хоҳанд кард.                 Ш Сайфиддинов барандаи ҷоизаи давлатии ба номи А. Рудакӣ ва Ҳунарманди халқии Тоҷикистон мебошад.                Барномаҳои телевизион ва радиои ҷумҳурӣ ҳар субҳ бо суруди «Республикаи ман» оғоз мекунанд, ки муаллифи он Ш. Сайфиддинов аст.  Рӯзҳои наздик дар Театри опера ва балети ба номи С. Айнӣ операи «Рӯдакӣ» намоиш дода мешавад, ки мусиқии онро Ш. Сайфиддинов офаридааст. Нахустнамоиши асари мазкур 16 апрел баргузор мегардад.                                                                         Тарҷумаи Зебо Иноятова