ШЕЪРҲОИ РӮДАКИРО ДАР ЧИН МЕХОНАНД

                 Душанбе, 6 апрел. (АМИТ «Ховар», Наргис Бояхмедова). — Дар Пекин шумораи аввали маҷаллаи илмию оммавии «Тадқиқоти фарҳанги исломӣ» дар соли 2009 аз чоп баромад, ки дар қаламрави мамлакат ва берун аз он шӯҳрати калон дорад. Дар он мақолаи олими машҳур ва муҳаққиқи варзида, профессори Донишгоҳи марказии тадқиқоти адабиёти фарҳанги миллатҳои хурди Пекин Ху Чженхуа ҷой дода шудааст.                Дар мақола ҷиҳатҳои гуногуни эҷодиёти Рӯдакӣ шарҳ дода мешавад, ки ғояҳои инсондӯстӣ, хушию хуррамӣ ва муҳаббат ба инсонро тараннум карда, дар таърихи тамаддуни башарият нақши амиқ гузоштааст. Дар ин бора аз сафорати Тоҷикистон дар Чин ба АМИТ «Ховар» хабар доданд.