ТАҒЙИРИ НОМИ ШАҲРАКУ ДЕҲАҲО

                 Душанбе, 6 апрел, (АМИТ «Ховар», Лаззат Диловарзод).- Бо Қарори Маҷлиси миллии Маҷлиси Олии Ҷумҳурии Тоҷикистон шаҳракҳои Мирзо Турсунзода дар ноҳияи Рӯдакӣ ва Нӯъмон Розиқ дар шаҳри Ваҳдат таъсис дода шуданд.                 Бо Қарори иҷлосияи ҳаждаҳуми Маҷлиси Миллии Маҷлиси Олӣ ҳамчунин деҳоти Вахиё дар ноҳияи Тавилдара, 4 деҳот дар ноҳияи Панҷ таъсис ёфта, номи 38 деҳаи ноҳияи Данғара ва 6 деҳаи ноҳияи Панҷи вилояти Хатлон аз нав номгузорӣ шуда, ба онҳо номҳои таърихиашон баргардонида шуд.                Аъзои Маҷлиси миллии Маҷлиси Олӣ қарори мазкурро якдилона ҷонибдорӣ намуданд.