ТАКЛИФИ АКАДЕМИК ҲАКИМ АҲМАДОВРО ҚАБУЛ БОЯД КАРД

                Душанбе, 10 апрел. (АМИТ «Ховар», Лаззат Диловарзод).- Бино ба гуфти академик Ҳаким Аҳмадов, таҷрибаи кишварҳои Непал, Қирғизистон ва як қисми минтақаҳои кӯҳии давлати Ҳиндустонро дар бораи сохтмони нерӯгоҳҳои хурди барқӣ дар шароити имрӯзаи Тоҷикистон бояд пазируфт. Дар ин кишварҳо нерӯгоҳҳои хурди барқии дорои 1-10 кВт буда, хонаҳои ҳазорон сокинони деҳаҳои аҳолинишинро бо рӯшноӣ ва гармии доимӣ таъмин менамоянд.              Дар Тоҷикистон, ки шумораи дарёю дарёчаҳояш дар Осиёи Марказӣ ҳамто надоранд, имконияти сохтани ҳазорҳо нерӯгоҳҳои хурди барқӣ вуҷуд дорад.              Тибқи таҷрибаҳои кишварҳои номбаршуда, дар Ҷумҳурии Тоҷикистон низ барномаҳои сохтмони нерӯгоҳҳои хурди барқӣ тарҳрезӣ гардида, ҳар сол то 50 нерӯгоҳҳои хурди барқӣ сохта мешаванд.