135 ҶОИ КОРӢ ДАР МЕҲМОНХОНАИ «СЕРЕНА»

                       Душанбе, 19 май. (АМИТ «Ховар», Лаззат Диловарзод).- Лоиҳаи меҳмонхонаи «Серена» зери роҳбарии Tourism Promotion Services ташкилоти Фонди Оғохон оид ба рушди иқтисодӣ (AKFED), ки таҷрибаи зиёд дар соҳаи туризми Осиёю Африка дорад, сохта мешавад.                    Амсилаи (макети) ин иншоот қариб пурра сохта шудааст. Сохтмони онро иттиҳодияи байналмилалии молиявии (IFC) аъзои гурӯҳи Бонки Ҷаҳонӣ ва ширкати Tourism Promotion Services TaJikstan ба ӯҳда дорад.                       Алҳол ин иттиҳодия 7 млн. доллар ҷудо намудааст. Меҳмонхона аз 85 утоқи зист ва 10 ҳуҷраи бошукӯҳ иборат хоҳад буд. Сохтмон босуръат давом дорад. Баъди ба истифода додан андози ба буҷа вордшаванда дар давоми як сол беш аз 1 млн. долларро ташкил медиҳад, инчунин 135 нафар сокинони пойтахт ба кор таъмин мегарданд.