БА СОХТМОНИ РО&#1202&#1202О ТАШКИЛОТ&#1202ОИ РО&#1202СОЗИ ВАТАН&#1250 БОЯД ҶАЛБ КАРДА ШАВАНД

                        Душанбе, 22 май. (АМИТ «Ховар», Лаззат Диловарзод).- Дар Вазорати нақлиёт ва комуникатсия ба саволи хабарнигори АМИТ «Ховар» доир ба фаъолияти ширкатҳои роҳсози ватанӣ, коршиносон аз он ибрози ақида намуданд, ки дар кишвар даҳҳо муассисаю ташкилотҳои роҳсозӣ баробари ширкатҳои хориҷӣ ва беҳтар аз онҳо кор карда тавонанд ҳам, аммо ҷалби онҳо ба кор камтар аст.                        Имрӯз дар ҷумҳурӣ идораю ташкилотҳои роҳу купруксозӣ ба мисли ҶММ «Пайванд», ҶММ «Кӯпруксоз», ҶММ «Роҳсозӣ», ҶС «Роҳсоз», ҶММ «Бунёди роҳ» ва даҳҳо ташкилоту муассисаҳои дигар вуҷуд доранд, ки дар кори сохтмони роҳҳо ба таври васеъ истифода намешаванд. Маблағи аз грантҳо ба даст омадаро боз ҳамон ташкилоту ширкатҳои роҳсози хориҷӣ ба даст меоранд.                        Соли ҷорӣ чанде аз ин ширкатҳо дар сохтмони роҳи Душанбе-Қулма ва Душанбе- Данғара бо ширкатҳои хориҷӣ муштаракан ба кор ҷалб карда мешаванд.