БОЗ ЯК ҒАМХОРИИ САРВАРИ ДАВЛАТ БА ЗАРАРДИДАГОН

                        Душанбе, 26 май. (АМИТ «Ховар», Лаззат Диловарзод).- 596 нафар зарардидагон аз хаймаҳо ба хонаҳои нав кӯчонида мешаванд, дар ин бора Сарвари давлат дар машварати корӣ, ки 18 -уми май доир гардид, ба ҳамаи роҳбарони вазорату идораҳо ва шахсони масъул дастур дод, ки то рӯзи Конститутсия -6- уми ноябр, ба ҳамаи оилаҳои аз боришоти борони зиёд ва омадани селу лойқа бехона монда, дар ҷойҳои бехавф манзилҳои нави истиқоматӣ сохта дода шавад.                        Ин хабар пеш аз ҳама сокинони деҳаи 18-ум Партсъездро рӯхбаланд намуд,-мегӯяд сокини ин маҳаллаи офатзада Маҳмадёқуб Ёрбеков.                         Дар деҳаи 18-ум Партсъезди болою поении ноҳияи Хуросон 114 оила аз дороии худ маҳрум гашт ва бо дасти холӣ сохтани сарпаноҳ кори саҳл нест.                           Гарчӣ Президент дар рӯзи ҳодиса дар ноҳияи Хуросон набуд, аммо ӯ ҳамеша дар ғаму шодии ҳамватононаш шарик аст,-гуфт акаи Раҳмон, ки мошину 100 сар гову мол ва дороияшро аз даст додаст.