ДАР ИМА ДИСКИ КОМПЮТЕРИИ МАЪЛУМОТИ МАХФӢ ГУМ ШУД

                        Вашингтон, 20 май. (АМИТ «Ховар» — Лента. Ру). — Агентии иттилоотии «Ассошиэйтед Пресс» хабар дод, ки 19 май аз Раёсати миллии бойгониҳо ва ҳуҷҷатнигоҳдории ИМА диски компютерие гум шуд, ки дар он роҷеъ ба фаъолияти маъмурияти Билл Клинтон ва хадамоти махфии ИМА маълумот сабт карда шуда буд. Ҳаҷми маълумоти дар он сабтшуда як терабайтро ташкил медиҳад. Дар он аз ҷумла, ҳисобот дар бораи фаъолияти Қасри Сафед ва мулоқотҳои кормандони он маълумот дарҷ карда шуда буд. Бо ҳамин диск рӯйхати суроғаҳо ва рақамҳои суғуртаи иҷтимоии теъдоди зиёди одамон гум шуд, ки дар байни онҳо номи яке аз духтарони ноиби собиқи президент Ричард Чейни ҳам ҳаст.                      Дар бораи гум шудани диск аъзои конгресс Эдолфус Таунс ва Дорелл Исса хабар доданд. Диски мазкур дар бинои нави бойгонии иёлати Мериленд гум шуд, ки соли 1994 сохта шудааст.                         Хадамоти федералии тафтишот барои ҷустуҷӯӣ диски гумшуда тадбирҳои зарурӣ меандешад.