ДАР ТЕМУРМАЛИК КИШТИ БАҲОРӢ БА АНҶОМ РАСИД

                       Темурмалик, 18 май. (АМИТ «Ховар», Сулаймон Холов).-Кишоварзони ноҳияи Темурмалик кишти баҳориро ба анҷом расониданд, гуфт сардори раёсати кишоварзии ноҳия Абдулҳақ Давлатов ва афзуд, ки то ин ҷониб дар майдони 12 ҳазору 279 гектар замин кишти тирамоҳию баҳорӣ гузаронида шудааст, ки нисбат ба ҳамин давраи соли гузашта зиёд мебошад. Ба гуфтаи ин манбаъ дар майдони 10731 гектар кишти ғалладона, 1370 гектар зироатҳои техникӣ, 43 гектар картошка, 40 гектар сабзавот, 95 гектар хӯроки чорво кишт карда шудааст. Мавриди зикр аст, ки дар ноҳия беш аз 480 хоҷагиҳои деҳқонӣ фаъолият намуда, айни ҳол ба ҷамъоварии хошок, тоза кардани заминҳо аз алафҳои бегона, тароши чорво, таъмири техникаҳои ғалладаравӣ машғуланд.