ДАР ЯК ҲАФТА 21 ҲАЗОРУ 200 СОМОНӢ ЗАРАР АЗ СӮХТОР

                      Душанбе, 18 май. (АМИТ «Ховар», Анварбек Сиддиқов). — Тайи ҳафтаи гузашта дар ҷумҳурӣ 7 сӯхтор, аз ҷумла дар вилояти Хатлон 3, дар шаҳри Душанбе 2, дар Шаҳринав 1 ва дар шаҳри Ваҳдат як сӯхтор ба қайд гирифта шуд. Масоҳати умумии сӯхтор 327 метри мукаабро фаро гирифта, ба маблағи 21 ҳазору 200 сомонӣ зарари молӣ расонид.                      Тавре аз Раёсати давлатии хадамоти оташнишонии ВКД-и ҷумҳурӣ ба АМИТ «Ховар» хабар доданд, сабабҳои ба амал омадани сӯхтор аслан тарзи нодуруст истифодабурдани таҷҳизоти барқӣ, васли онҳо, расиши ноқилҳо ва аз бепарвоии шаҳрвандон нисбат ба оташ ба вуқӯъ мебошад.