ДАЪВАТИ ҶАВОНОН БА ХИЗМАТИ ВАТАН

                         Ҷиргатол, 26 май ( АМИТ «Ховар», Мирзосафар Ризвонов).-Дар даъвати баҳорӣ ба сафҳои Артиши миллии Ҷумхурии Тоҷикистон аз ноҳияи Ҷиргатол 45 нафар сарбоз даъват гардиданд, ки иҷрои нақшаро сад фоиз таъмин мекунад. Гусели ҷавонон дар майдони назди комиссариати ҳарбии ноҳия бо иштироки волидайн ва фаъолони ноҳия сурат гирифт. Раиси ноҳия Аслонбек Абдураҳмонов баромад карда афзуд, ки хизмат дар сафҳои қувваҳои мусаллаҳ шаъну шарафи бузург маҳсуб меёбад ва ин қарзи инсониро ҷавонони ноҳияи мо бояд дар назди Ватан-Модар ба ҷо биёранд.                             Сипас комиссари ҳарбӣ Ҳасан Раҷабов ба ҷавонписароне, ки барои хизмати ҳарбӣ саф ороста буданд хизмати аъло ва роҳи сафед орзу намуд.