ДАВОМИ ФИЛМИ «ДАР ОРЗУИ ПАДАР»

                       Душанбе, 14 май. (АМИТ «Ховар», Лутфия Эшонқулова).- Кормандони эҷодии киностудияи «Тоҷикфилм» ба наворгирии қисми 3-юми филми «Дар орзуи падар» тайёрӣ мебинанд. Директори киностудия Саидҷалол Саидов ба АМИТ «Ховар» хабар дод, ки филм аз 8-10 қисм иборат хоҳад буд. «Мо кӯшиш дорем, ки ҳунарпешагони дар филми аввал иштирокнамударо ба бозидани нақшҳои асосӣ дар филми нав ҷалб намоем. Наворгирии филм ояндаи наздик шурӯъ мешавад».                       Тавре, ки маълум аст ду қисми пештараи филми «Дар орзуи падар» бо воситаи шабакаи аввали Телевизиони Тоҷикистон намоиш дода шуда буд ва миёни тамошобинон хеле машҳур аст.