ГОВДУЗДОН ДАСТГИР ГАРДИДАНД

                      Темурмалик, 15 май. (АМИТ «Ховар», Сулаймон Холов).- Прокурори ноҳияи Темурмалик Файзулло Абдуллоев нисбати 4 ҷинояткор, Хурсанд Шерхонов, Ҷамшед Хоҷаев, Наҳтулло Абдураҳмонов, Ҳасан Маҳмадалиев парвандаи ҷиноӣ оғоз намуд. Ҷинояткорон ба дуздии амволи шаҳрвандон гунҳкор ҳисобида шуда, бо моддаи 244 қисми 2 маҳкум гардиданд. Ба гуфтаи ин манбаъ ҷинояткорон 3 сар ҳайвони калони шохдорро аз шаҳрвандон ғорат намуданд, ки, зарари он 4000 сомониро дар бар мегирад. Абдуллоев афзуд, таи солҳои охир дуздии амволи шаҳрвандон, нисбатан зиёд ба қайд гирифта шуда бошад ҳам, хушбахтона 4 моҳи соли равон ҷиноятҳои вазнин аз қабили куштор, расонидани зарари вазнин ба саломатӣ, таҷовуз ба номус, қаллобӣ ба қайд гирифта нашудааст.