МУҲОҶИРОНИ МЕҲНАТӢ АЗ ТАШХИС МЕГУЗАРАНД

                     Душанбе, 13 май. (АМИТ «Ховар», Лаззат Диловарзод).- Бино ба иттилои директори Маркази пешгирӣ ва мубориза бар зидди бемории СПИД дар вилояти Хатлон Даврон Қунғуротов, дар давом 4 моҳи соли ҷорӣ дар вилояти Хатлон бо дастгирии Хадамоти муҳоҷирати назди Раёсати умури дохила 6 ҳазор муҳоҷирони меҳнатӣ аз ташхиси тиббӣ гузаштанд.                    Дар ду соли охир барои пешгирӣ намудани маризии норасоии массунияти бадан ВИЧ- СПИД бо дастгирии фонди глобалӣ ва Вазорати тандурустӣ дар 12 шаҳру ноҳияҳои вилоят ҳуҷраҳои вохӯрӣ ва нуқтаҳои боварӣ барои нашъамандон таъсис ёфт. Беморони ба нашъамандӣ гирифтор бо сӯзандору ва дигар воситаҳои муҳофизатӣ таъмин карда мешаванд.