МУБОРИЗАИ МУШТАРАК БА МУҚОБИЛИ ҶИНОЯТ ВА ТЕРРОРИЗМИ БАЙНАЛМИЛАЛӢ
Екатеринбург, 19 май. (АМИТ «Ховар», Наталя Михайлова). — 18 май дар шаҳри Екатеринбург таҳти раёсати вазири корҳои дохилии Русия Рашид Нургалиев машварати вазирони корҳои дохилии мамлакатҳои аъзои Созмони ҳамкории Шанхай баргузор гардид. Дар он масъалаҳои марбут ба тақвияти мубориза ба муқобили ҷиноят ва терроризми байналмилалӣ муҳокима карда шуданд. Дар мулоқот вазирони корҳои дохилии Чин, Қазоқистон, Қирғизистон, Русия, Ӯзбекистон, Тоҷикистон, намояндаи ваколатдори Президенти Русия дар Округи федералии Урал Николай Винниченко ва волиёни вилоятҳои минтақа иштирок доштанд. Аз Тоҷикистон дар ин машварат вазири корҳои дохилӣ Абдураҳим Қаҳҳоров ва сардори раёсати ташкилию назорати ВКД Тоҳир Норматов ширкат варзиданд. Рашид Нургалиев машваратро кушода, дар бораи аҳамияти масъалаи муҳокимашаванда сухан ронд. Вай зикр намуд, ки роҳу усулҳои самарабахши муҳофизат аз ҳамлаҳои ҷинояткорона ба газопроводҳо ва нефтепроводҳои мамлакатҳои аъзои СҲШ — ро муқаррар намуда, роҳҳои қонунӣ гардонидани маблағу моликияти бо роҳҳои ғайриқонунӣ ба даст оварда, баста шаванд. Барои ин заминаи боэътимоди қонунӣ бунёд кардан лозим аст. Р.Нургалиев зикр намуд, ки авҷ гирифтани ҷинояткории байналмилалӣ қабули тадбирҳои самарабахши иловагиро барои бештар сохтани натиҷаи фаъолияти мақомоти муҳофизи қонун талаб менамояд. Намояндаи ваколатдори Президенти Русия дар Округи федералии Урал Николай Венниченко афзуд, ки ҳамкории давлатҳои аъзои СҲШ дар ин самт набояд танҳо ба истифодаи зӯрӣ барои ҳифзи манфиатҳои қонунии худ равона карда шавад. Чунин зуҳуроти номатлубро инчунин, бо роҳи амалӣ сохтани тадбирҳои сиёсӣ, иҷтимоӣ, иқтисодӣ ва гуманитарии мамлакатҳои аъзои созмон пешгирӣ кардан мумкин аст, гуфт вай. Вазирон ҷараёни тайёриро ба мулоқоти сарони давлатҳои аъзои СҲШ баррасӣ намуданд, ки тибқи нақша бояд 16 август дар Бишкек баргузор гардад. Дар фарҷоми машварат ҳуҷҷати хотимавӣ қабул карда шуд.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
