МУЛОҚОТ БО ВЕТЕРАНҲОИ ҶБВ

                   Душанбе, 8 май (АМИТ «Ховар», Таҳмина Ғоибназарова).- Дар арафаи 64 солагии иди Ғалаба дар ҶБВ Иттифоқи журналистони Тоҷикистон (ИЖТ) бо ветеренҳои ҶБВ мулоқот гузаронида, тӯҳфаҳо тақдим мекунад.                   «Иштирокчиёни ҷанг аз ҷумла журналистон на он қадар зиёд мондаанд,- қайд кард котиби масъули ИЖТ Пулод Нуров.- Мо фақат 8 нафарро ёфтем. Вале мо кофтуковро анҷом намедиҳем. Чунин чорабинӣ якум маротиба дар ИЖТ гузаронида мешавад, вале мо ният дорем, ки онро ҳар сол баргузор созем. Ба мулоқот журналистони ҷавон ҳам даъват карда шудаанд.                      Дар мулоқот бо журналистон собиқадорони ҶБВ дар бораи нақши журналистон дар ба даст овардани Ғалаба нақл карда, аскарону афсарони дар ҷанг ҳалокшударо ёдоварӣ хоҳанд кард.