МУЛОҚОТИ АДИБ БО ДОНИШЧӮЁН

                        Душанбе, 20 май. (АМИТ «Ховар», Лутфия Эшонқулова).- 19 май бахшида ба Рӯзи ҷавонони Тоҷикистон, дар Донишгоҳи давлатии тиббии Тоҷикистон ба номи Абуалӣ ибни Сино мулоқоти шоири ширинкалом, узви Иттифоқи нависандагони ҶТ Хайрандеш бо омӯзгорон ва донишчӯён баргузор гардид. Дар он шоир ба саволҳои сершумори донишчӯён ҷавобҳои мушаххас дода, дар бораи эҷодиёти хеш сухан ронд. Вай аз ҷумла гуфт, ки то имрӯз 7 китобаш дастраси хонандагон гардидаст. Ду китоби шоир ғазалҳои тозаэҷоди ӯро дар бар мегиранд. Силсилакитоби ӯ таҳти унвони «Чархофалак» аз таронаҳои фолклорию этнографӣ иборатанд.                        Дар ҷараёни мулоқот ҳунармандони шинохтаи ҷумҳурӣ Рустами Нур, Манижа ва Эҳсон, Иззат Шарифӣ ва дигарон аз эҷодиёти шоир таронаҳо суруданд.