МУРОҶИАТНОМАИ «БАРҚИ ТОҶИК»

                  Душанбе, 7 май. (АМИТ «Ховар», Жасмин Назарова). — Аз ҷумлаи силсилаи чорабиниҳое, ки ШСХК «Барқи Тоҷик» бобати сарфакорона истифода бурдани нерӯи барқ андешид, чопи муроҷиатнома аст, ки дар ҷавоб ба дастуру нишондодҳои Сарвари давлат Эмомалӣ Раҳмон дар Паёми Президенти Ҷумҳурии Тоҷикистон ба Маҷлиси Олии ҶТ амалӣ гардид.                 Тавре ба АМИТ «Ховар» роҳбари дафтари матбуот Нозирҷон Ёдгорӣ иттилоъ дод, ин муроҷиатнома бо унвони «Сарфакорӣ масъулияти бузург аст» бо теъдоди 5000 нусха нашр гардид. Ширкати «Барқи Тоҷик» тасмим гирифтааст, ки тавассути сохторҳои худ дар вилоятҳо ва ноҳияҳо варақаи мазкурро ройгон ба мардум тақсим намояд ва афзалияти лампаҳои каммасрафи диодиро тарғиб намояд.                 Бояд қайд намуд, ки касе ба ин варақа эҳтиёҷ дорад, метавонад ба хадамоти матбуоти ширкати «Барқи Тоҷик» муроҷиат намояд.