ОФАТИ ТАБИӢ ДАР ХАТЛОН

                      Душанбе, 15 май. (АМИТ «Ховар», Анварбек Сиддиқов). — 14 май бар асари бориши борони бошиддат дар вилояти Хатлон сел ба қайд гирифта шуд, ки дар натиҷа як қисмати деҳаи «18 партсъезд», ҷамоати деҳоти Айнии ноҳияи Хуросонро лойқа зер кард. Инчунин дар деҳаи Пахтакори ноҳияи Ҷиликӯл 4 хона пурра ва 3 хонаи дигар қисман хароб шуданд. Дар ноҳияи Панҷ бошад, майдони 50 га заминҳои маҳсулоти хоҷагии қишлоқ зарар дид. Дар ҳудуди поселкаи Сомонӣ ҳаракати нақлиёт дар шоҳроҳи автомобилгарди Қурғонтеппа- Панҷ муваққатан қатъ гашт. Айни замон Хадамоти мудофиаи гражданӣ барои рафъи оқибатҳои офати табиӣ кӯшиш ба харҷ дода истодаанд. Талафоти ҷонӣ ба қайд гирифта нашудааст.                     Аз Кумитаи ҳолатҳои фавқулодда ва мудофиаи граждании назди Ҳукумати ҷумҳурӣ ба мухбири АМИТ «Ховар» хабар доданд, ки ситод ва комиссияҳои махсус барои рафъи оқибатҳои офати табиӣ ташкил шудааст ва маблағи хисорот муайян карда мешавад.