ОЗМОИШИ ЗЕРИЗАМИНИИ АСЛИҲАИ ЯДРОӢ ДАР ҶХДК
Сеул, 25 май. (АМИТ «Ховар» — Росбизнесконсалтинг). — Ҷумҳурии Халқии Демократии Куриё имрӯз расман хабар дод, ки дар қаламрави мамлакат озмоиши зеризаминии аслиҳаи ядроӣ гузаронида шуд. Хабар дода мешавад, ки ҳадафи гузаронидани он афзун гардондани иқтидори мудофиавии мамлакат мебошад. Қайд карда мешавад, ки қувваи таркиши ядроӣ нисбат ба озмоиши соли 2006 гузаронидашуда чандин баробар зиёд буд. Дар натиҷаи озмоиши аслиҳаи ядроӣ дар ҶХДК дар қаламрави Куриёи Ҷанубӣ замин бо қувваи 4,7 балл ҷунбид. Ҷунбидани заминро хадамоти геологии ИМА низ ба қайд гирифт. Куриёи Шимолӣ озмоиши нахустини зеризаминии аслиҳаи ядроиро моҳи октябри соли 2006 гузаронида буд. Шӯрои амнияти СММ ҳамон вақт қатънома қабул карда, аз ҶХДК талдаб намуд, ки минбаъд чунин озмоишҳоро нагузаронад. Вале Пхенян ин талаботро рад намуда, 5 апрели соли равон ракетаро бо мушаки дорои кулоҳаки ядроӣ ба мадори назди замин баровард. Баъди ин ҶХДК эълон кард, ки аз гуфтушунидҳои шашҷонибаи бахшида ба халъи силоҳи ядроӣ хориҷ мегардад. Коршиносони ғарб ҳамон вақт пешбинӣ карда буданд, ки ҶХДК ба озмоиши навбатии аслиҳаи ядроӣ тайёрӣ мебинад.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
