РӮЗИ БУЗУРГДОШТИ АБУЛҚОСИМ ФИРДАВСӢ

                      Душанбе, 20 май. (АМИТ «Ховар», Лутфия Эшонқулова).- Бахшида ба Рӯзи бузургдошти Абулқосим Фирдавсӣ ва Рӯзи ҷавонони Тоҷикистон имрӯз, 20 май дар Китобхонаи миллии ба номи А. Фирдавсӣ конфронси илмӣ таҳти унвони «Тантанаи гимни хирад» баргузор гардид. Чорабинии мазкур бо ташаббуси Вазорати фарҳанги ҶТ ва Кумитаи кор бо ҷавонон, варзиш ва сайёҳии назди Ҳукумати ҶТ гузаронида шуд. Дар конфронс иштирокчиён дар бораи тарбияи хирад ва хирадмандӣ дар афкор ва андешаҳои Абулқосим Фирдавсӣ, аҳамияти «Шоҳнома»-и ӯ дар тарбияи ватандӯстии ҷавонон, фароҳамоварӣ, ҳифзу нигохдорӣ ва тарғиби осори устод дар Китобхонаи миллӣ маърӯза хонданд.                      Дар доираи кофронс намоиши китобҳо муаррифӣ гардид. Дар он беш аз 200 китоб ва мақолаю маҷаллаҳо доир ба осори А. Фирдавсӣ ба маърази тамошо гузошта шуда буд.