«РУСТАМ ВА СӮҲРОБ» ДАР МАСКАВ НАМОИШ ДОДА МЕШАВАД

                       Душанбе, 5 май. (АМИТ «Ховар», Наргис Бояхмедова). — Аз сафоратхонаи Ҷумҳурии Тоҷикистон дар Русия ба АМИТ «Ховар» хабар доданд, ки аз 26 май то 2 августи соли равон дар Маскав Ҷашнвораи 8 — уми байналхалқии театрҳои ба номи А.П. Чехов баргузор мегардад. Дар он ҳунарпешагони Театри драммавии русии ба номи В.Маяковский низ ширкат меварзанд. Онҳо ба меҳмонон ва сокинони пойтахти Русия асари саҳнавии «Рустам ва Сӯҳроб» — ро намоиш хоҳанд дод, ки аз рӯи достонҳои «Шоҳнома» — и Абулқосим Фирдавсӣ ба саҳна гузошта шудааст. Асари саҳнавии мазкур рӯзҳои 17, 18 ва 19 июн дар саҳнаи Маркази театрии ба номи В.Мейерхолд намоиш дода мешавад.