ШӮРОИ ВАЗИРОНИ МАОРИФИ ДАР МИНСК БАРГУЗОР МЕГАРДАД

                     Маскав, 14 май. (АМИТ «Ховар», Ҳалима Хушқадамова ). — 15 май дар шаҳри Минск дар Кумитаи иҷроияи Иттиҳоди Давлатҳои Мустақил маҷлиси 22 — юми Шӯрои ҳамкории давлатҳои ИДМ дар соҳаи маориф кушода мешавад. Иштирокчиёни маҷлис пешниҳодҳоро дар бобати таҳлили заминаи ҳуқуқию қонунии ҳамкорӣ дар соҳаи маориф, нақшаи ҳамкориро барои вусъат додани истифодаи технологияҳои дурмасофаи маърифатӣ, тайёр кардан ва бозомӯзии кормандони мактабҳои олӣ ва лоиҳаи Созишномаро дар бораи такмили маҳорати муаллимони мактабҳои мамлакатҳои Иттиҳод баррасӣ менамоянд. Аз Ҷумҳурии Тоҷикистон дар маҷлиси мазкур вазири маориф Абдуҷаббор Раҳмонов ширкат меварзад.