СОЛИ БУЗУРГДОШТИ ИМОМИ АЪЗАМ

                        Душанбе, 28 май. (АМИТ «Ховар», Людмила Дубинина).-4 июн дар Кохи Ваҳдат конфронси илмӣ-назариявии ҷумҳуриявӣ дар мавзӯи «Соли бузургдошти Имоми Аъзам» баргузор мегардад. Ҷамъомад бо ташаббуси Шӯрои ҷамъиятии Тоҷикистон бо ҳамкории намояндагии САҲА дар Тоҷикистон барпо мегардад.                        Дар конфронс Мушовири давлатии Президенти Тоҷикистон доир ба масъалаҳои иҷтимоӣ ва робита бо ҷомеа Саидмурод Фаттоев ва намояндаи дафтари САҲА дар Тоҷикистон маърӯза хоҳанд кард.                        «Котиби матбуоти Шӯрои ҷамъиятии Тоҷикистон Нуралӣ Саидов ба мухбири АМИТ «Ховар» гуфт, ки ҳадафи конфронс дар мисоли ҳаёту эҷодиёт ва таълимоти Имоми Аъзам дар руҳияи ватандӯстӣ, инсонпарварӣ ва нафрат ба зуҳуроти номатлуби замони ҳозира тарбия намудани ҷавонон мебошад. Тасодуфӣ нест, ки ба қарибӣ бо фармони Президенти ҶТ номи Имоми Аъзам ба Донишгоҳи Исломии Тоҷикистон гузошта шуд.»,- гуфт Н. Саидов.