СУРХСАНГОВ ОБОД ШУД

                      Бадахшон, 8 май. (АМИТ «Ховар», Лутфишо Додо).- Ба мавзеи Сурхсангови ноҳияи Ванҷ, ки ҷои беобу дашти бегиёҳе буд, то вақтҳои наздик нафаре эътибор намедод. Ду сол қабл, собиқ коргари комбинати хизмати маишии ноҳия Тоҷбек Амирбеков бо мақсади обод кардани ин дашти бегиёҳи тафсон тариқи 5 км лулаҳои оби шифобахши чашмаро аз кӯҳ ба ин ҷо овард. Биноҳои ошхона, чойхона меҳмонхонаро сохт. Ҳоло ин ҷо серодамтарин мавзеъи ноҳия аст. Он ба қароргоҳи ронандагон, мусофирон ва сайёҳон табдил ёфтааст. Имрӯз ба бунёди боғи 5 гектара оғоз намудаанд. Бо бунёди боғ Сурхсангов биҳишти афсонавиро хоҳанд монд.