«ТОҶИКАГРОЛИЗИНГ» ФАЪОЛИЯТ МЕКУНАД

                     Душанбе, 8 май. (АМИТ «Ховар», Лаззат Диловарзод).- Корхонаи воҳиди давлатии ҷумҳуриявии «Тоҷикагролизинг» дар семоҳаи аввали соли 2009 дар ноҳияи Хуросони вилояти Хатлон ва ноҳияи Зафарободи вилояти Суғд марказҳои хизматрасонии техникиро ба маблағи 1 млн. сомонӣ ташкил намудааст. Ба ин ду ноҳия 43 адад трактор ва дигар намудҳои мошинолот ворид карда шудааст. Марказҳои хизматрасонии техникӣ сари вақт ба фаъолият шурӯ карданд.                   Агар таҷрибаи имсолаи фаъолияти марказҳои хизматрасонии техникӣ самараи хуб диҳанд аз соли оянд ин марказҳо дар ҳамаи ноҳияҳои ҷумҳурӣ таъсис дода мешаванд.                     Муҳимияти кор дар он зоҳир мегардад, ки техника дар ин марказҳо дар ҳолати хуби коршоямӣ нигоҳ дошта мешавад.