ЁДБУДИ УСТОД

                         Хуҷанд. 22 май.(АМИТ «Ховар», Самад Юсуфӣ).- Дар толори маҷлисгоҳи Донишгохи давлатии Хуҷанд ба номи академик Б.Ғафуров 80-солагии ёдбуди шодравон собиқ декани факултети таърих, профессор Абдумаҷид Қодиров баргузор гардид.                           Ректори ДДХ академик Салимов Носирҷон Юсупович сухани ифтитоҳӣ намуда, хизматҳои шоёни арбоби илму маърифат, профессор Абдумаҷид Қодировро ёдовар шуд. Баъд шогирдони устод файласуф Мавлон Исмоилов, муаррих Саидҷон Марофиев, фарзанди устод А.Қодиров бо ибрози хотираҳо рӯҳи устодро шод намуданд.                            Дар охир китоби хотираҳои олимон, ҳамкорон, шогирдон, хешону пайвандон бо номи «Маҳзани маърифат» ки бо ташаббуси ҳайати олимони донишгоҳ чоп шуда буд, ба ҳозирин ҳадя карда шуд.