ЁДЕ АЗ АБӮҲАНИФА

                       Душанбе, 21 май.(АМИТ «Ховар», Марзия Саидова).-Дар доираи бузургдошти Соли Имоми Аъзам 21 май дар китобхонаи марказии ноҳияи Ҳисор конфронси илмӣ-адабӣ баргузор шуд.                         Иштирокдорони он доир ба паҳлӯҳои гуногуни ҳаёту фаъолият ва таълимоти барҷастаи асосгузори мазҳаби ҳанафӣ — Абӯҳанифа Нӯъмон ибни Собит Имоми Аъзам сухан карда, таълимоти мазҳабии ин шахсияти бузурги олами исломро дар ташаккули ҷомеаи мутамаддин муҳим арзёбӣ карданд.                        Назар ба иттилои мудири шӯъбаи фарҳанги ноҳияи Ҳисор Нуралӣ Мирзоалиев, чунин чорабиниҳои илмию маърифатӣ дар робита ба Соли бузургдошти Имоми Аъзам дар тамоми ҷамоати деҳоти ноҳия гузаронида шуд. Инчунин, дар деҳкадаи Тӯда алҳол сохтмони Маркази фарҳангии ба номи «Имоми Аъзам» бо суръат идома дорад, ки ба истифода додани он дар моҳи сентябри соли ҷорӣ дар назар дошта шудааст.