ДАР МЎЪМИНОБОД МАРКАЗИ НАВ ТАЪСИС ЁФТ
Мӯъминобод, 25 июн. (АМИТ «Ховар», Сулаймон Холов).- Дар деҳаи Ҳанатарош-и ноҳияи Мӯъминобод тантанаи муаррифии барномаи супоридани муассиcаи «Агрокимиёсервис» шуда гузашт. Онро раиси Иттиҳодияи Ҷамъиятии «Бӯстон» Зеби Соҳибова муаррифӣ намуда гуфт, ки он бо маблағгузории Иттиҳоди Аврупо дар ҳаҷми 175 ҳазор сомонӣ ва дастгирии Бунёди хазинаи Оғохони ноҳия таъсис ёфтааст. Дар ин мавзӯъ соҳибкор Ҷамшед Мирзоев изҳор дошт, ки ин маркази нав барои деҳқонони ноҳия хело муфид аст. Айни ҳол дар ин ҷо 40 тонна карбамид, 20 тонна калий, 200 килограмм заҳрхимикат, 25 тонна сӯзишворӣ, 50 килограмм тухмиҳои сабзавот, 25 тонна картошкаи тухмӣ барои фурӯш омода гардидааст. Гуфта мешавад, ки муассисаи навбунёди «Агрокимиёсервис» дар 5 ҷамоати ноҳия нуқтаҳои фурӯши худро кушода дар оянда хизматрасонияшро ба деҳқонони ноҳия васеъ хоҳад намуд.








Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд






