ИФТИТОҲИ МАРКАЗИ МУОСИРИ КОМПЮТЕРӢ

                     Душанбе, 25 июн.(АМИТ «Ховар», Марзия Саидова).- Дар Донишгоҳи аграрии Тоҷикистон Маркази санҷишии компютерии сатҳи дониш ифтитоҳ карда шуд. Дар ин бора ба АМИТ «Ховар» ноиби ректори донишгоҳи мазкур оид ба таълим Амонулло Салимов иттилоъ дод. Мавсуф зикр кард, ки Маркази компютерӣ замонавӣ буда, бо 36 компютер, ки бо сервер ба марказ пайваст аст ҷиҳозонида шудааст. Ин Марказ ба он хотир маркази санҷишии сатҳи дониш унвон гирифтааст, ки дар он довталабону донишҷӯён имтиҳонҳои дохилшавӣ ва ҷориро месупоранд.                    Сатҳи дониши донишҷӯ ё довталаб тавассути компютер баъди 30 сония дар табло муайян мегардад. Яъне, дар ин маврид ягон шахс имкони тағйир додани баҳоро надорад ва имтиҳонҳои дохилшавӣ ва аз курс ба курс гузаштан ба таври шаффоф ва воқеъбинона ҷараён мегирад, мегӯяд Амонулло Салимов.                    Мавсуф афзуд, ки соли саввум аст, ки дар Донишгоҳи аграрии Тоҷикистон тарзи супоридани тестии имтиҳонҳои дохилшавӣ ва аз курс ба курсгузаронӣ ба роҳ монда шудааст, ки он самараи хуб медиҳад.