НАМОИШИ ТЕАТРӢ БАРОИ БАЧАГОН

                   Душанбе, 10 июн. (АМИТ «Ховар», Людмила Дубинина).- Чорабиниҳои асосӣ бахшида ба Рӯзи Русия 12 июн дар театри драмавии русии ба номи Маяковский баргузор мегардад. Роҳбари намояндагии бунёди рушди «Пажӯҳишгоҳи таҳқиқоти Евразия» дар Тоҷикистон Галина Назарова ба мухбири АМИТ «Ховар» гуфт, ки дар ин рӯз ба тамошобинони наврас асари саҳнавии В. Баҳромов «Ангуштарии булӯрин» намоиш дода мешавад.                    Бегоҳии ҳамон рӯз дар театр барои калонсолон асари саҳнавии Т. Мамадризо «Ишқи парӣ» намоиш дода мешавад, ки коргардони он ҳунарпешаи халқии ҶТ Баҳодур Миралибеков мебошад.