НАВОРБАРДОРИИ ФИЛМИ НАВ

                 Душанбе, 10 июн. (АМИТ «Ховар», Тахмина Ғоибназарова).-Дар киностудияи давлатии «Тоҷикфилм» банаворгирии филми ҳунарии «Баҳори як гузар» шурӯъ мешавад. Дар ин бора ба АМИТ «Ховар» директори «Тоҷикфилм» Саидҷалол Саидов хабар дод. Коргардони филм Саидҷон Қодирӣ аз рӯи намоишномаи Гулназар Келди филми нав ба навор мегирад, ки аз рӯи ҳикояи Ғаффор Мирзо «Наберагон» навишта шудааст.                Дар филм шароити зиндагии бачагон дар солҳои душвори баъди Ҷанг Бузурги Ватанӣ тасвир ёфтааст. Филмро бачагона номидан душвор аст. Зеро он солҳо бачагон баробари калонсолон дар корхонаю колхозҳо кор карда, тамоми душвориҳо ва маҳрумиятҳоро ҳамроҳи онҳо паси сар карда буданд. Наворбардории филм охири моҳи июн дар деҳаҳои кӯҳистони вилояти Хатлон шурӯъ мешавад.