«ТОҶИКСТАНДАРТ» ЛАМПАҲОИ ЛЮМИНЕСЕНТИРО ТАВСИЯ МЕКУНАД

                Душанбе, 8 июн. (АМИТ «Ховар», Лаззат Диловарзод).- Бино ба иттилои сардори Раёсати ченкунӣ ва ваколатдиҳии «Тоҷикстандарт» Ҷурабек Раҳимов, агар дар лампаҳои калони люминестӣ 30-40 милиграмм симоб вуҷуд дошта бошад, дар лампаҳои зич симоби тоза вуҷуд надорад, аз ин рӯ онҳоро лампаҳои амалга- сирдодашуда меноманд.               Ҳамаи лампаҳои люминесентӣ дар ҳарорати то 30 волт аз санҷиши лабораторӣ гузаронида шуданд ва равшаниро чун дар шиддати 220 волт нигоҳ дошта тавонистанд. Ин мазмуни онро дорад, ки лампаҳои мазкур дар камтарин шиддат ҳам мавриди истифода қарор меёбанд.                Мӯҳлати истифодаи ин намуди лампаҳо гуногун аст. Онҳо аз 6 то 12 ҳазор соат қобили истифодаанд. Мӯҳлати истифодаи ин лампаҳо дар қуттӣ нишон дода шудааст. Аз ин лампаҳо дар тамоми давлатҳои Аврупо истифода мекунанд. Як лампаи 100 ваттта дар 10 соат 1 кВт соат қувваи барқро масраф кунад, як лампаи люминесентӣ бо 20 ват 1 кВт соат нерӯи барқро дар 50 соат сарф мекунад.