ВАЗЪИ МУНОСИБАТҲОИ ДУ КИШВАРИ ФОРСИЗАБОН ТАҲЛИЛ МЕГАРДАД

                            Душанбе, 2 июн.(АМИТ «Ховар», Марзия Саидова).- «Тоҷикистон ва Эрон дар низоми навини муносибатҳои байналмилалӣ», вобаста ба ин мавзӯъ 5 июн дар Душанбе конфронс баргузор мегардад, ки ташаббускори он Донишгоҳи миллии Тоҷикистон ва Ассотсиатсияи миллии сиёсатшиносони Тоҷикистон мебошанд. Дар конфронс аъзои парлумон, сиёсатшиносон, олимони соҳаҳои гуногуни Тоҷикистон вазъияти ҳозираи муносибатҳои ду кишвари ҳамзабонро баррасӣ намуда, роҳҳои рушди минбаъдаи таҳкими ҳамкориҳоро дар бахшҳои гуногун пешниҳод месозанд.                        Тибқи иттилои раиси Ассотсиатсияи сиёсатшиносони Тоҷикистон Абдуғанӣ Мамадазимов дар конфронс ҳамчунин муносибатҳои ду кишвар дар миқёси минтақа ва сатҳи байналмилалӣ дар шароити глобализатсияи ҷомеаи башарӣ баррасӣ мегардад.