БОВАРӢ БА МАОРИФИ ТОҶИКИСТОН МЕАФЗОЯД

               Душанбе, 6 июл. (АМИТ «Ховар», Лаззат Диловарзод).- Бино ба иттилои сардори Раёсати робитаҳои байналмилалии Вазорати маорифи ҷумҳурӣ Абдулваҳоб Абдулазизов, айни замон дар мактабҳои миёна ва олии Ҷумҳурии Тоҷикис тон 3231 нафар шаҳрвандони хориҷӣ аз 21 давлати ҷаҳон таҳсил менамоянд.                   Соли хониши 2009-2010 шумораи донишҷӯёни Тоҷикистон дар кишварҳои хориҷ ба маротиб зиёд мегардад.                    Бино ба гуфти ҳамин манбаъ, соли ҷорӣ шумораи донишҷӯёни тоҷик дар мактабҳои олии Федератсияи Россия ба 160 нафар, дар Ҷумҳурии Мардумии Чин-34, Туркия-15, Украина-10, Словакия-2, Полша-2 нафар, дар мактабҳои олии Қазоқистон-100 ва дар Эрон -50 нафарро ташкил медиҳад.                   Маълум мегардад, ки маорифи Тоҷикистон барои давлатҳои хориҷи кишвар кадрҳои варзидаро бо ихтисосҳои гуногун тайёр мекунад ва ин аз обрӯю нуфузи маорифи Тоҷикистон гувоҳӣ медиҳад.