СОҲИБКОРОНИ БАДАХШОН АЗ ҚОШҒАР БАРГАШТАНД

                 Душанбе, 6 июл. (АМИТ «Ховар», Лаззат Диловарзод).- Бино ба иттилои роҳбари дастгоҳи раиси вилояти МКБ Таваккал Рамазонов, соҳибкорони Бадахшон аз 24-уми июн то 2-юми июли соли ҷорӣ дар ярмаркае, ки дар маркази илмӣ-фарҳангии шаҳри Қошғғари Ҷумҳурии Мардумии Чин баргузор гардид, ширкат варзиданд.                 Дар ин ярмака баробари тоҷирони Тоҷикистон ҳамчунин корчаллонҳои 40 давлат ва музофотҳои Ҷумҳурии Мардумии Чин ширкат варзиданд.                 Мақсад аз ширкати тоҷирони тоҷик дар ин ярмарка пайдо кардани сармоягузорони хориҷӣ барои таъсиси корхонаҳои муштараки истеҳсолкунандаи маҳсулоти сохтмонӣ дар Бадахшон мебошад.                 Бино ба иттилои ҳамин манбаъ, дар асоси имзои якчанд шартномаю созишномаҳои тарафайн, дар ВМКБ аз ҳисоби ашёи маҳаллӣ сохтмони корхонаҳои хурди хишт, семент, коркарди мева, ширу гӯшт, ва пашму пӯст ба роҳ монда мешавад.