ЭЪТИРОФИ ЯКҶОЯИ ҲУҚУҚИ ИШТИРОКЧИЁН ВА МАЪЮБОНИ ҶБВ

                         Душанбе, 7 август. (АМИТ «Ховар», Наргис Бояхмедова).- 6 август дар Минск маҷлиси гурӯҳи кории байнидавлатии Иттиҳоди Давлатҳои Мустақил кушода шуд. Дар он пешниҳодҳо ва тавсияҳо дар бораи амалӣ сохтани Созишномаи эътирофи якҷояи ҳуқуқу имтиёзҳо барои иштирокчиён ва маъюбони Ҷанги Бузурги Ватанӣ ва шахсони дигари бо онҳо ҳуқуқи баробардошта, иштирокчиёни амалиёти ҳарбӣ дар қаламрави мамлакатҳои дигар, аъзои оилаи хизматчиёни харбии дар ҷанг ҳалокшуда муҳокима карда мешаванд.                        Мухбири АМИТ «Ховар» хабар медиҳад, ки дар маҷлиси мазкур намояндагони Озарбойҷон, Арманистон, Белорусия, Қазоқистон, Қирғизистон, Молдавия, Русия, Тоҷикистон ва Шӯрои ҳамоҳангсози Иттифоқи байналмилалии «Иттиҳоди созмонҳои ҷамъиятии ветеранҳо ва нафақахӯрони давлатҳои мустақил» иштирок доранд.