КОНФРОНСИ ИЛМӢ ДАР ДУШАНБЕ

               Душанбе, 10 август. (АМИТ «Ховар», Покиза Махмадбекова).- Рӯзҳои 24 — 25 август дар Душанбе конфронси илмӣ баргузор мегардад, ки дар он масъалаҳои технологияи нав ва усулҳои муайян кардану нигоҳ доштани асарҳои асили санъат муҳокима карда мешавад.  Конфронс бо ташаббуси Осорхонаи миллии атиқаи Тоҷикистон бо дасгирии ташкилоту корхонаҳои миллӣ, созмонҳои байналхалқӣ ва комиссияи Европо баргузор мегардад.               Аз Агентии рушд ва ҳамкории Швейсария ба АМИТ «Ховар» хабар доданд, ки дар конфронс коршиносон аз Тоҷикистон, Қазоқистон, Қырғизистон, Ӯзбекистон, Русия, Италия, Фаронса, Британияи Кабир, Чехия, Миср, Белгия ва Польша иштирок хоҳанд кард.