РУСИЯ БА МАКТАБҲОИ ТОҶИКИСТОН КИТОБҲОИ ДАРСӢ МЕФИРИСТАД

                   Маскав, 4 август. (АМИТ «Ховар», Луюдмила Дубинина). — Бунёди «Русский мир» бо кӯмаки Фонди байналмилалии ҳамкории гуманитарии ИДМ барои мактабҳои Тоҷикистон теъдоди зиёди китобҳои дарсӣ ва адабиёти бадеӣ ҷудо намуд.                    Аз вазорати маорифи ҷумҳурӣ ба АМИТ «Ховар» хабар доданд, ки тибқи нақша аз Русия ба Тоҷикистон то охири сол 25 ҳазор нусха китоби дарсӣ фиристода мешавад. Аз се як қисми он дар байни мактабҳои миёна тақсим карда хоҳад шуд.                    Раиси Донишгоҳи давлатии Санкт — Петербург ва узви Шӯрои сарпарастони ИДМ Людмила Вербитская зикр намуд, ки матнҳо ва машқҳои китобҳои нави дарсӣ аз ҳаёти мардумони Тоҷикистону Русия нақл мекунанд. Илова бар ин зимни таҳияи китобҳо хусусиятҳои забонҳои русию тоҷикӣ ба инобат гирифта шуданд.