АСАРИ НАВИ САҲНАВӢ

             Душанбе, 8 сентябр. (АМИТ «Ховар», Лутфия Эшонқулова).- Мавсими нави театрӣ дар театри академӣ драмавии ба номи А. Лоҳутӣ бо намоиши асари саҳнавии «Шов-шов» шурӯъ мегардад. Мавсими нави театр 23 сентябр кушода хоҳад шуд. Дар ин бора ба АМИТ «Ховар» директори театр Ибодулло Машрабов хабар дод.            Ёдовар мешавем, ки моҳи гузашта шӯрои бадеии Вазорати фарҳанг ба намоишномаи мазкур баҳои мусбат дода буд. Муаллифони он драмнависони маъруф Низом Қосимов ва Ҷумъа Қуддус мебошанд.И. Машрабов зикр намуд, ки барои ҷашни театр, ки дар моҳи ноябр баргузор мешавад, ҳунармандони театр ба ӯҳда гирифтаанд, ки ду асари нав ба саҳна мегузоранд.