ХУШХАБАР АЗ РАДИОИ ВАТАН

                   Душанбе, 8 декабр. (АМИТ «Ховар», Акрам Ҳаитов). — Радиои Ватан аз 6 декабри соли ҷорӣ рӯи мавҷи 102,4 FM дар вилояти Хатлон ба кор оғоз кард. Тавре ба мухбири АМИТ «Ховар» сармуҳаррири идораи иттилотии радиои Ватан Алиҷон Ҷӯраев иттилоъ дод, алҳол намояндагии радио дар маркази вилоят шаҳри Қурғонтеппа амал карда, ба таҳияи барномаҳо ва қабули эълону рекламаҳо машғул аст.                    Радиои Ватан нахустин радиои хусусӣ — тиҷоратӣ мебошад, ки дар калонтарин вилояти мамлакат рӯи мавҷи 102,4 FM шунавонида мешавад. Бо ин роҳ роҳбарияти радио кӯшиш мекунад, фазои иттилоотии вилоятро пур кунад.                     «Бояд гуфт, ки радиои Ватан бо дархости мухлисон ва шунавандагони бешумори вилояти Хатлон кушода шуд. Дар ояндаи наздик, бо даст додани имкониятҳои молиявӣ ва техникӣ паҳн шудани садои радиои Ватан дар фазои дигар шаҳру ноҳияҳои кишвар, аз ҷумла шаҳрҳои Хуҷанду Кӯлоб дар назар дошта шудааст», — гуфт дар хотима А.Ҷӯраев.