КИШТИ ТИРАМОҲӢ БА ОХИР РАСИД

                Рашт, 9 декабр.(АМИТ «Ховар», М. Ризвонов).- Соли равон кишоварзони ноҳияи Тавилдара кишти тирамоҳии ғалладонаро нисбати соли гузашта барвақттар анҷом доданд. Натиҷаи ин буд, ки кишоварзон ба ҷои 1048 гектар, 1073 гектар ё худ нисбати соли 2009 25 гектар зиёд кишт намуданд, гуфт зимни сӯҳбат раиси раёсати кишоварзии ноҳия Қурбон Маҳмадов. Ғайр аз истифодаи тухми ғаллаи худӣ қариб 25 тонна тухми гандуми дуфасла ва инчунин «Сомон» аз вилояти Хатлон дастрас карда кишт намудем.                 Ин навъи тухмӣ ба боду ҳавои баландкӯҳи ноҳияи мо мутобиқ Буда, аз 35 то 50 сентнерӣ ҳосил медиҳад.                  Дар иҷрои нақшаи кишти тирамоҳӣ саҳми хоҷагиҳои Сайёд, Ҷомӣ, Лайрон ва дигарон назаррас мебошад. Ҳоло кишти тирамоҳӣ бо муваффақият идома дошта, кишоварзон ният доранд, 100 гектар ғалла аз нақшаи муқаррарӣ зиёд кишт намоянд.