ҚАРЗҲОИ ИМТИЁЗНОК БА ОМӮЗГОРОНИ ҶАВОН

                    Мӯъминобод, 16 январ. (АМИТ «Ховар», Сулаймон Холов).- Нафақапулиҳо то моҳи декабр пардохт гардид,- гуфт мудири шӯъбаи бонки амонатгузории № 63 — ноҳияи Мӯъминобод Баҳром Раҷабов ва афзуд, ки дар ноҳия шумораи нафақагирон 5143 нафарро ташкил дода талаботи якмоҳаи онҳо 490 000 сомониро дар бар мегирад. Ба гуфтаи ин манбаъ дар 6 ҷамоатҳои деҳот нуқтаҳои оҷонсӣ ташкил гардидааст. Мавриди зикр аст, ки барои тараққӣ дадани соҳаи боғкорӣ, чорводорӣ ва занбури асалпарварӣ бонки мазкур ба кишоварзон ва соҳибкорон ба маблағи 930 000 қарзи бонкӣ дод, ки фоизи солонаи он 0,6 %- ро ташкил намуда, барои тараққӣ додани ин соҳаҳо хело мусоидат менамояд. Инчунин дар ин давом ба 5 нафар омӯзгорони ҷавон ба маблағи 25 000 сомон қарзҳои имтиёзноки 3 -сола пардохт гардидааст. Айни ҳол аз тарафи бонк дар 6 ҷамоати деҳот: Шаҳрак, Боғгаӣ, Балхобӣ, Туту, Кулчашма ва Деҳибаланд фӯруши саҳмияҳо ба роҳ монда шудааст. Мардуми ноҳияи Мӯъминобод муроҷиатномаи сарвари давлатро ҳамаҷониба дастгирӣ намуда, аз 6 нуқтаҳои оҷонсӣ саҳмия харидорӣ намуда истодаанд- афзуд Баҳром Раҷабов.