М.ХАЛИФАЕВ БА СИЁСАТ БАРГАШТАНИСТ

                  Душанбе, 16 январ. (АМИТ «Ховар», Бекназари Абӯбакр). – Дар Ҳавзаи интихоботии №21 Панҷакент 4 номзади вакили Маҷлиси намояндагони Маҷлиси олии ҷумҳурӣ ба қайд гирифта шуд. Яке аз онҳо раиси собиқи Кумитаи давлатии сохтмон ва меъмории Ҷумҳурии Тоҷикистон Халифаев Матлуб Ҷабборович мебошад. Ӯ аз ҳавзаи якмандатӣ номзади вакили парлумони мамлакат пешниҳод гардидааст. М.Халифаев узви Ҳизби Халқии Демократии Тоҷикистон мебошад.                   Мухбири АМИТ «Ховар ёдовар мешавад, ки М.Халифаев 30 ноябри соли 2006 аз вазифаи раиси Кумитаи давлатии сохтмон ва меъмории ҷумҳурӣ озод гардида буд.                  Дар ҳавзаи интихоботии №21 Панҷакент инчунин даъвогарони курсии ваколат дар Маҷлиси намояндагон Муқимҷон Бозоров, Шакарбек Самадов ва Шодибек Аҳмадов ба қайд гирифта шуданд.