НАФСИ БАД БАЛОИ ҶОН

                  Душанбе, 5 январ. (АМИТ «Ховар», Лаззат Диловарзод).- Сардори шӯъбаи дуюми комиссариати ҳарбии ноҳияи Бобоҷон Ғафуров Миршамс Миршамсов ҳамчун шахси мансабдор моҳҳои июн – июли соли 2008 дар ду ҳолат аз шаҳрванд «Ф» барои тайёр карда додани 3 адад билети ҳарбии қалбакӣ оид ба гузаштани хизмати ҳақиқии ҳарбӣ ба писараш ва 2 нафар хешовандаш, ки синну соли даъватшавиро барои хизмат кардан дар сафи артиши ҷумҳурӣ доштанд дода, ба ивази он бо роҳи таъмаҷӯӣ 2 ҳазору 400 доллари амрикоӣ гирифтааст.                  — Дар ҳаракатҳои М. Миршамсов аломатҳои ҷиноятии дар қ.4 –и моддаи 319 -(гирифтани пора) – и КҶҶТ пешбинишуда дида мешавад, бо ин мақсад нисбати корманди комиссариати ҳарбӣ парвандаи ҷиноӣ кушода гардид,- иброз доштанд дар шӯъбаи пешгирии Агентии назорати давлатии мубориза бо коррупсияи ҷумҳурӣ ба мухбири АМИТ «Ховар».