БАРРАСИИ СОХТМОНИ НБО «РОҒУН» ДАР ПЕКИН

            Душанбе, 5  феврал. (АМИТ «Ховар», Наргис  Бояхмедова). – 3 феврал  дар Академияи муносибатҳои  байналмилалии  муосири  пойтахти  Ҷумҳурии  Мардумии  Чин  бахшида ба  вазъи  имрӯза ва  имкониятҳои   равнақу  ривоҷи  муносибатҳои  Тоҷикистон  ва  Чин  машварат баргузор  гардид.            Дар  машварат олимон,  коршиносон ва муҳақиқони  чинӣ  ширкат  варзиданд. Онҳо  аз  ҷумла,  ба  проблемаҳои   густариш  додани  ҳамкории   Тоҷикистону  Чин  дар  соҳаи  энергетика  ва  роҳу  усулҳои  истифодаи  самарабахши  ин  соҳа   сухан  ронданд. Иштирокчиёни  машварат  ба  ҷараёни  сохтмони  НБО «Роғун» ва   нерӯгоҳҳои  дигари  барқии  Тоҷикистон   ва тадбирҳои  ҳукумати  Тоҷикистон  барои таъмини   истиқлолияти  энергетикӣ   ва  тараққиёти  иқтисодиёти  мамлакат  мароқ  зоҳир  намуданд.             Дар  ҷараёни  машварат  инчунин  роҷеъ  ба   мавқеи  Тоҷикистон   дар  бораи  расондани  кӯмак  ба  Афғонистон  барои  пешрафти  иқтисодиёти  ин  мамлакат,  мӯътадил  гардонидани  вазъияти  сиёсии  он,  мубориза ба  муқобили  маводи  нашъадор ва  таъмини  сулҳу  субот   дар  Осиёи  Марказӣ   таваҷҷӯҳ  зоҳир  намуданд.             Дар  машварат  сафири Ҷумҳурии  Тоҷикистон  дар  Чин  Рашид  Олимов  иштирок  дошт ва  ба  саволҳои  ҳозирон  ҷавоб  дод.