МУНШИИ УМУМИИ ФОНДИ ҲАМКОРИИ ТЕХНИКИИ МИСР БА ТОҶИКИСТОН МЕОЯД

Душанбе, 5  феврал. (АМИТ «Ховар», Наргис  Бояхмедова). —  Муншии умумии  Фонди  ҳамкории техникии Миср  бо  мамлакатҳои  ИДМ  Самоҳа Сутӯҳӣ  7 феврал  барои   боздиди  корӣ ба Тоҷикистон меояд. Меҳмон  зимни  сафар  бо   вазири  корҳои  хориҷии   Тоҷикистон  Ҳамрохон  Зарифӣ,  вазири тандурустӣ  Нусратулло  Салимов, вазири  рушди  иқтисод  ва  савдо      Фаррух  Ҳамралиев,  вазири  маориф  Абдуҷаббор  Раҳмонов,  раиси  Академияи  илмҳо  Мамадшо Илолов,  раиси  Кумитаи ҷавонон, варзиш ва  сайёҳии  назди  Ҳукумати  ҷумҳурӣ  Маликшо  Неъматов  ва  роҳбарони  воломақоми  вазорати  корҳои  дохилии  мамлакат  мулоқот   хоҳад  кард. Мухбири  АМИТ «Ховар»  хабар  медиҳад, ки ҳадафи  ин  мулоқотҳо  муайян  намудани  самтҳои  ҳамкории  ҳар  ду  кишвар  дар  соҳаҳои  гуногуни  иқтисодиёт  ва  тиҷорат  мебошад.